應承左畀本日記人睇，但經已無寫好耐lu...唯有由今日開始努力寫啦!
今日係9月22日,農歷係八月十二，呢一日係一個好重要既日子。因為28年前既今日，有一隻熊貓來到左呢個世界上。^o^一諗到呢樣，我就覺得好開心，直情想申請定呢日為全世界的假期!
佢叫我一聲"傻瓜",成個人即刻輕飄飄咁...好似有d飛左上天的感覺...
佢講畀我聽,原來佢d團友男女都有d係"巒"的.....上次我仲以為佢講笑添...雖然神父話唔應該巒，不過我個人就好民主既，佢係"巒"既其實仲好啦,唔使驚會吼住隻熊貓呢 :p
收左線後,我起度諗,其實我地都唔係咁多機會可以見到大家，無論我要呃佢，定係佢要呃我，其實都係好容易的事......所以，大家係咪可以互相信任係好重要的，如果唔係有太多野可以懷疑啦...我好希望，可以用我既誠意令佢相信我，而我亦都選擇，我要相信熊貓。
自從個晚佢同我剖白完佢既過去後，佢對我好左好多，亦係日記上寫左句：其實點解要你受苦呢?......話雖如此，但係到目前為至佢最明確的一次表示都只係，"我會慢慢變的，但係唔好迫得我咁急".....熊貓的心意依然難測,難免有時都仲係有d患得患失....大個仔了,唔會再怨再懷疑,我覺得,唯有用耐心,誠意同信心,去令佢既態度明確一d啦。
尋晚佢問我阿哥幾大時,confirm左佢係大我兩年,其實我當刻完全唔覺得咩一回事...但回心一想,佢咁問得應該會介意啦...拿臨send返2個msg過去補鑊,實行要表明心跡至得!
No comments:
Post a Comment